Yüzüm sürüb varuram yarə qarşu
Yüzüm sürüb varuram yarə qarşu, Həbibü munisü dildarə qarşu.
Fəraqçin gözlərin könlüm apardı, İki heyva bitibdir narə qarşu.
Boyun sərv ağacı bostan içində, Qızılgüllər açılmış xarə qarşu.
Rəqibi görəyim nabina olsun, Otursun ol müdam divarə qarşu.
Ləbindən şərbət içdi bu Xətayi, Müdam sərməst gəzər didarə qarşu.
Lüğət: Həbib – dost; Xarə – çaxmaq daşı, bərk daş; Nabina – kor; Müdam – davamlı, həmişə