Yoxdurur aləmdə bir dəx hüsn ilən yarım kimi
Yoxdurur aləmdə bir dəx hüsn ilən yarım kimi, Ya cəmal əhlində kim var ol vəfadarım kimi.
Həsrətindən qəddinin eylə zəif olmuş sənin, Yel əsəndə titrəşür bu cismi-bimarım kimi.
Ta ki, dün məclisdə ney fəryadü zarım dinlədi, Ağlaşur bağrın dəlüb bu naləvü zarım kimi.
Əbri-neysandan sorun əhvalimi kim, ol dəxi Qətrə-qətrə yaş tökər çeşmi-göhərbarım kimi.
Ey Xətayi, gərçi xublar çoxdurur aləmdə, leyk Olmaya bir dilbər ol şuxi-sitəmkarım kimi.
Lüğət: Hüsn – gözəllik; Əsən – sağ; Bimar – xəstə; Dün – dünən, gecə; Əbri – neysan – yağmurlu bulud; Çeşmi – giryan – ağlar göz; Xublar – gözəllər