Yad eylədi yarım məni bikanədən ötrü
Yad eylədi yarım məni bikanədən ötrü, Yaddan çıxarıb aşiqin aya nədən ötrü?
Gizlətmə qara xalı dedim ağ yanağında. Tökdü üzünə zülfü o bir danədən ötrü.
Bir şanə düşüb zülfi-siyahından o mahın Xəlq içrə niza oldu o bir şanədən ötrü.
Yandı ürəyim tək oda pərvanəyi-miskin, Bir qəlbi yanan olmadı pərvanədən ötrü.
Sordum mərəzi-eşqə dəva əhli-təbabət, Zənciri yazıblar dedi divanədən ötrü.
Bülbül gül üçün nalə edər bağü çəməndə, Bayquş ulayar xəlvəti viranədən ötrü.
Aşiqsən əgər əhdə vəfa eylə Şəfai. Peymanşikən olma iki peymanədən ötrü.