Xəyalın məskənidir can içində
Xəyalın məskənidir can içində, Yenə Yusif nedir zindan içində?
Gözüm içində ol əksi-cəmalın Göhər nisbətlüdür ümman içində.
Yüzün səhmindən ol şəkkər dodağın, Gülüstandır, güli-xəndan içində.
Rəqibi qoymagil qapunda, neylər Bu kafər cənnəti-rizvan içində?
Xətayi görməmişdir qamətin tək Xuraman sərv heç bustan içində.
Lüğət: Xəndan – gülən; Rizvan – behişt, behişt qapısı