Xəyalımdır mənim, ya duşdə gördüm?
Xəyalımdır mənim, ya duşdə gördüm? Behəmdullah, cəmalın üştə gördüm.
Sözün hər biri gövhər olduğiçün Asılmışdır həmişə guşdə gördüm.
Necə ki, bilicisən, əbsəm olgil, Səadət olmağı xamuşdə gördüm.
Bəlasından bu eşqinin sağıngil, Yüküş aşiqləri sərgəştə gördüm.
Sənin ol zülfinin hər bir qılını Xətayi boynuna bir riştə gördüm.
Lüğət: Əbsəm – lal, danışmamaq; Xamuş – susmaq, sönmək; Yüküş – çox, bol; Sərgəştə – çaşmış, başını itirmiş; Riştə – sap, tel, əlaqə