Vücudini bu könlüm can demişdir
Vücudini bu könlüm can demişdir, Ləbini lə’l ilə mərcan demişdir.
Saçın rəngin şəbi-qədr oxuyanlar Yüzün nurin məhi-taban demişdir.
Bu könlüm eşqini, ey qəmgüsarım, Vücudim şəhrinə sultan demişdir.
İki gözüm yaşı hər dəm yüzimə Birin Nilü, birin Ümman demişdir.
Əyağın tozinə, ey nuri-rəhman, Xətayi canını qurban demişdir.
Lüğət: Nuri – rəhman – ilahi nur; Taban – parlaq; Rəhman – şəfqətli, rəhmli