Tərki-dünyalıq nədir, təqva nədir? – biz bilmərik

Tərki-dünyalıq nədir, təqva nədir? – biz bilmərik, Eşqdən başqa nə var əfsanədir, – biz bilmərik.

Aləmin heç əmrinə bizlərdə yoxdur ehtiyac, Xalq deyir: var ehtiyac, amma nədir – biz bilmərik.

Eşqdən başqa geniş dünyada işlər yox deyil, Başqa işlər aşiqə biganədir, – biz bilmərik.

Sorma bizdən şiveyi-təqlidü rəsmi-etibar, Əhli-dünya səyinə məna nədir? – biz bilmərik.

Yarın eşqilə onun didarı şövqündən səvay, Sorma zahid, ləzzəti-dünya nədir? – biz bilmərik.

Sirri-həqqin məzhəri, aləmnüma ayinəmiz Saf meydir, sadə üz, başqa nədir? – biz bilmərik.

Söylədim: öldü Füzuli asitanında sənin, Söylədi: kimdir ölən, harda, nədir? – biz bilmərik.