Tərk etdi yar, etdi məni biqərar eşq
Tərk etdi yar, etdi məni biqərar eşq, Şamü səhər olubdur işim ahü zari-eşq.
Gənc aşiqəm, rəvadır əgər çak qəlbimi Açsın birinci gül kimi indi bahari-eşq.
Gəl, ey könül ki, Vamiqü Məcnun ölüb gedib, Xar ilə xəsdən oldu təmiz rəhgüzari-eşq.
Əfsus, tifldir hələ ol gül, düşünməyir Aşiq nədir, nə olmalıdır etibari-eşq.
Torpaqda hər qədəmdə bitər gül-çiçək, mənim Virənə könlümə batar, əfsus, xari-eşq.
Xoş ruzigarı, xoş günü yoxdur bu aləmin, Xoşdur bu aşiqin günü, həm ruzigari-eşq.
Yar eşqi indi etmədi rüsva Füzulini, Rüsvalıq hər zaman olub aləmdə yari-eşq.