Ta məni ayırdı dövran sevgi yarımdan mənim
Ta məni ayırdı dövran sevgi yarımdan mənim, İncidi gögdə məlayik ahü zarımdan mənim.
Surətin gördüm, nigara, valehü sevdayimən, Firqətin dövr eylədi səbrü qərarımdan mənim.
Ey pəri peykər, səni andan bəri kim, görmüşəm, Hüsnin ayırdı qərarü ixtiyarımdan mənim.
Həsrətəm Yə’qub tək Yusif yüzünə, ey səba, Tanrı içün bir xəbər algil nigarımdan mənim.
Ey Xətayi, hər tükün titrər xəzan yaprağı tək, Ta məni dur etdi dövran növbaharımdan mənim.
Lüğət: Nigar – sevgili, bəzəkli; Firqət – ayrılıq; Hüsn – gözəllik; Dur – uzaq