Sübhdəm gülzar içində çaldı bülbül ərğənun
Sübhdəm gülzar içində çaldı bülbül ərğənun, Əyyuhəl-üşşaq, qumu innəküm layəsməun.
Ərğəvan dutmuş piyalə, nəstərən doldurdu can, Mütriba, çal nəğməni, “la əyyiküm müstəğfirun”.
Hüsni-ruyin hər görəndə afərin təslim edər, Labeşey’in əhsənün innə qəlilən təşkürun.
Gözlərin sərxoş olanda badələr ilən müdam Ziri-ləb saqi deyər hər dəm vəlahüm yəhzənun.
Şah Xətayi dost yolunda təslim edər canını, Hər olana sən görürsən “innə əleyhə raceun”.
Lüğət: Nəstərən – itburnu, ağ rəngli çiçək; Hüsn – gözəllik; Müdam – davamlı, həmişə; Ləb – dodaq