Şükr, ey dil, gəlir ol mah bizim sarı bu gün

Şükr, ey dil, gəlir ol mah bizim sarı bu gün, Gör doyunca rüxi-canpərvərini, barı bu gün.

Qoyma getsin çıxıb, ey dil, o məhi-bimehri, Sabit et yalvarıb ol əxtəri-səyyarı bu gün.

Bu gecə mənzil elə xanəmi, ey mahliqa, Salma nöqsana bizi, getmə, səni tarı, bu gün.

Ayü gün, sabitü səyyarə təmaşayə çıxıb, Müştəridən o məhin gərmdi bazarı bu gün.

Genə dünyalərə sığmaz, nə olubdur, Seyyid, Xoş baxıbdır üzünə yoxsa genə yarı bu gün.