Şərh qılsam qəmi-hicründəki halatimdən
Şərh qılsam qəmi-hicründəki halatimdən, Hər kütübxanədə min cild olur əbyatimdən.
Feyzibəxş olmasa barani-bahari-vəslün, Gərdi-qəm getməyəcək səfheyi-miratimdən.
Eşq inkarinə səy eylədi zahid, lakin, Qaldı aciz yenə o möcüzi-isbatimdən.
Fəqr viranəsi küncündə özüm yoxsul ikən, Varlanır xəlqi-cahan gənci-xərabatimdən.
Etməsəydi məni eşqün qəmi-hicründə dəli. Əqli məhrum edəcəkdi bu mükafatimdən.
Aləmi-vəslidə heç yadıma düşməzdi dua, İndi xəlq təngə gəlib sövti,münacatimdən.
Ölməz aləmdə Şəfai, əbədiyyətlər yaşar, İçsə hər kim bir udum çeşmeyi-zülmatimdən.