Sərvi-nazım nəzər etməz məni-zarə, nə edim
Sərvi-nazım nəzər etməz məni-zarə, nə edim? Kimə dərdimi deyim, kim edə çarə, nə edim?
Ağlaram, zülfünə vurduqca düyünlər o nigar, Uzun ömrümü gödəldən o nigarə nə edim?
Mən xilas olmuş idim qeydi-cünundan, amma Bağladı zülfilə zəncirə dübarə, nə edim?
Şəmiyəm mən şəbi-hicran gecələr sübhə kimi, Yanmayım, ağlamayım, yaxdı şərarə, nə edim?
Bu cəfapişələrə bir belə meyl etməz idim, Naz ilə ovladılar könlümü, çarə nə edim?
O günəş üzlülərin dərdini şərh etmək üçün, Sirdaşım sayədir, ol həm üzü qarə, nə edim?
Ey Füzuli, demə çox eşqə giriftar olma, Olmayım aşiq elə sevgili yarə, nə edim?