Səndən ürək qəmin, gözəlim, pünhan etmərəm

Səndən ürək qəmin, gözəlim, pünhan etmərəm, Bu eşqi gizli, ey gözəlim, bir an etmərəm.

Ta görməsin bu sinədə daği-məhəbbəti, Düşmən yanında çaki-giriban etmərəm.

Hər an müsibətimdə əgər giryan olmasa, Mən iltifat gözlərimə bir an etmərəm.

Hər dəm ki, lütf edər mənə yarım, mən onda da Biixtiyar olub, ürəyi xəndan etmərəm.

Derlər ki, vermədən canını eşqi tərk elə, Müşkül olan bu işləri mən asan etmərəm.

Qəlbə nəsihət eyləmərəm eşqi tərk edə, Öz işlərindən heç kəsi mən peşman etmərəm.

Vardır, Füzuli, zövqi-vüsalə ümidimiz, Hicran oduyla bu ürəyi büryan etmərəm.