Səndən səvay baxmamışıq bir nigarə biz

Səndən səvay baxmamışıq bir nigarə biz, Təqsirimiz nədir çəkilək, söylə, darə biz.

Qəlb atəşi zəbanə çəkib zahir olmadan, Yaydıqmı eşq dərdini ahla kənara biz?

Məhvəşlərə nə gəldi, xudaya, bu şəhrdə, Bir ildə etmədik aya bir yol nəzarə biz.

Şövqilə eşqinin yaşadıq bu zəmanədə, Meyl etmədik nə sərvətə, nə iftixara biz.

Dünyanı fəth edən dilimizdir qılınc kimi, Yol açmadıq qoşun gücünə bir diyarə biz.

Ya Rəb, nədən belə qaradır ruzigarımız, Zülm etmədik fəqirə, olaq bəxti qarə biz.

Hasil nədir, Füzuli, bizimçün zəmanədən, Meyl etmədik bu bağda olan bərgü barə biz.