Saqi, mey ver, söyləyim ol ləli-canandan sənə

Saqi, mey ver, söyləyim ol ləli-canandan sənə, Məst olarkən qoy deyim bu sirri-pünhandan sənə.

Öylə bir heyrətdəyəm, halım necə izhar edim, Heyrətim izhar edər bu hali-heyrandan sənə.

Bəs necə ol şuxə mən huri, pəridir söyləyim, Haqlıdır əla desə hər kimsə qılmandan sənə.

Çeşmimin sərçeşməsində tutmadın bir an qərar, Haqlıyam artıq desəm sərvi-xuramandan sənə.

Can deyil dostluqda baqi, ayrılıqdan qorxuram, Ey canım, gəlmir dilim ta söyləyim mən can sənə.

Gər gözəllikdə adın tək söyləsəm, el tən edər, Qeyrlə birlikdə zikr etsəm, deyil nöqsan sənə.

Hər gecə nalən, Füzuli, kainatı tutmasa, Əksiyəm itdən əgər mən söyləsəm insan sənə.