Rüxün bədr ayə bənzər, bənzəməzmi?
Rüxün bədr ayə bənzər, bənzəməzmi? Saçın sevdayə bənzər, bənzəməzmi?
Fəqirəm, ol gəzəldir hüsn içində Ğənidir, bayə bənzər, bənzəməzmi?
Xədəngi-kirpigün oxdur ki, qaşın Qurulmuş yayə bənzər, bənzəməzmi?
Zahidin qarğışı aşiq həqində Yalan də’vayə bənzər, bənzəməzmi?
Xətayi, firqətindən ağlamaqdan Du çeşmim çayə bənzər, bənzəməzmi?
Lüğət: Bədr – bütöv ay; Hüsn – gözəllik; Xədəng – ox; Vayə – nəsib, pay, məqsəd; Çeşmi – giryan – ağlar göz