Qurutmuş qaliba şövq odu Fərhadın gözü yaşın

Qurutmuş qaliba şövq odu Fərhadın gözü yaşın Ki, gər axsaydı, lə’l eylərdi, bişək, Bisütun daşın.

Bəla yolunda qovğayə qaçan1 mən tək dözər Məcnun, Qaçan olmaz durantək, yey bilür hər kimsə yoldaşın.

Demən göz yaşı ilə dəf’ olur eşq atəşi təndən, Bu od hər yerə düşsə, fərq qılmaz, qurusun, yaşın.

Bəyani-eşqə bəsdir lövhi-rüxsarimdə xuni-dil, Bəsirət əhlinə zahir qılır hər nəqş nəqqaşın.

Füzuli, badəxari duzəxi der xəlq, heyranəm Ki, həq neyçün salıbdır cənnətə meyxanə ovbaşın.