Qətlimə xəncərlə qəsd etdi o türki-tündxu

Qətlimə xəncərlə qəsd etdi o türki-tündxu, Odlanırdım mən ətəşdən, mərhəmətlə verdi su.

Zövq alıb canlar ətirləndi nəsimi-vəsldən, Çün gəlib çatdı səfərdən ol qəzali-mişkbu.

Jalələr tək başıma yağdı məlamət daşları, Keçdi afət günlərim, oldu müyəssər arizu.

Can ola qurban ki, cövlani-səməndi-nazini Qaldırar şaxə məni gördükdə, manəndi-ədu.

Boş qalıb əfsanəsindən Qeysü Fərhadın cahan, Əhli-dünyaya yetişdi ta ki, məndən göftgu.

Başqa bir divanə mən tək gər fəna sərhəddinə Yetsə, axtarmış məni, əlbəttə, etmiş cüstcu.

Söylədim: tutmuş Füzulinin yolun göz yaşları Söylədi: çox yaxşı oldu, kuyimə düşməz yolu.