Qəlbimin dərdini mən istəmirəm yarə yazam

Qəlbimin dərdini mən istəmirəm yarə yazam, Bilirəm ki, oxumaz, gər ona səd barə yazam.

Kirpiyim misli-qələm, heyrət üzündən quruyar, Istəsəm vəsfin edib, ruyinə nəzzarə yazam.

Ayağın torpağı ilə qurula ol xəti kim, Qəlbimin qanı ilə səfheyi-rüxsarə yazam.

Qürbət eldə çürüdüm, ol xəti-mişkin gözəlim Demədi namə bir ol bikəsü biyarə yazam.

Həşrədək od çıxacaq daşdan, əgər qəmlərimi Iki sözlə daşa mən bikəsü biçarə yazam.

Unudar qisseyi-Fərhad ilə Məcnunu cahan, Möhnətü dərdi-dilim gər məni-avarə yazam.

Qəm bıçağilə, Füzuli, sümüyüm oldu qələm, Cövri-cananımı ta candakı tumarə yazam.