Qarət etdi yuxumu, uyquma gəldi gecə yar

Qarət etdi yuxumu, uyquma gəldi gecə yar, O səbəbdən yuxu gəlməz gözümə leylü nəhar.

Qəm çəkən könlümə, naseh, sözün etməz təsir, Külək əsdikcə dənizdə ləpə şiddətlə vurar.

Səni gördükdə könül qanı gözümdən axdı, Camımı vurdu daşa çərx, məni qoydu xumar.

Qəlbimi parələdi zülmlə eşqin tiği, Açmayanlar bu kitabı nə bilir onda nə var.

Istəməz dil ki, şikayət edə məhrulərdən, Çünki mən istəmərəm dostlara olsun azar.

Zəfdən bir sapa döndümsə, fələk çəkməz əlin, Hey eşər bəlkə daha incələ bu cismi-nizar.

Ey Füzuli, bu fəna dəhrdə yox əhli-vəfa, Sanma bihudədir ondan əgər olsam da kənar.