Nədəndir halimə rəhmin sənin, ey məhliqa, gəlmir

Nədəndir halimə rəhmin sənin, ey məhliqa, gəlmir? Nə bütsən ki, sənin daş qəlbinə rəhmi-xuda gəlmir?

Necə daş qəlbli bütsən ki, qorxmursan fəğanimdən, Gəlir səs səngi-xaradən, nədən səndən səda gəlmir?

Gözəl məhbublərdən mehribanlıq ən gözəl şeydir, Gözəl məhbubsan, səndən neçin bu xoş əda gəlmir?

Mənə əsla yaxınlıq etməyib, bir rəhm qılmazsan, Bu işlər, bilmişəm, cana, əlindən mütləqa gəlmir.

Fəqət bir namə yazmaq istərik hər ləhzə biz səndən, Nə hasil kim, ələ məqsudumuz, ey dilrüba, gəlmir.

Füzuli, badə iç, rind ol, xilas ol zöhd qeydindən, Əlindən çünki aləmdə sənin zöhdü riya gəlmir.