Nə yaxşıdır nəzərimdə o gülüzarın ola

Nə yaxşıdır nəzərimdə o gülüzarın ola, Verən ziya gözümə arizi-nigarın ola.

Sən, ey gözəl, mənə bir qibləsən, mən istəyirəm Misali-qiblənüma meylisiz diyarın ola.

Sənə əgər mələyin bir cəhətdən oxşarı var, Və leyk xasiyyətində çətin ki, yarın ola.

Vüsal istəmərəm, vəhmi-hicrdən könlüm Dilər ki, nisgil odu onda yadigarın ola.

Olaydı kaş pərişan bu qarə bəxtim kim, Əsiri-silsileyi-zülfi-mişkbarın ola.

Şikayət etdiyimə min şükürlər eyləyirəm, Dilimdə kaş həmişə sənin qərarın ola.

Qapında qoydu Füzuli bu şövq ilə ömrün, Öləndə qəbrinə hər gün sənin güzarın ola.