Mö’minin qəlbi içində çünki beytüllahdır
Mö’minin qəlbi içində çünki beytüllahdır, Neçin izzət eyləməzsən, anda çün Allahdır.
Ol məqamı tanrının kim, ərş oxuyurlar anı, Mö’minin qəlbidürür kim, təxti-şahənşahdır.
İstəgil bir əhli-dili, ol bilir həq yolunu Kim, anın rövşən dilində həqqə doğru rahdır.
Yerdə, göydə hər nə kim var, dünyada, üqbada həm, Cümləsindən bəlkə yaxşı bir dili-agahdır.
Ey Nəsimi, hər kim ol dil Kə’bəsin qıldı təvaf, İrdi məqsudü murada, vasili-dilxahdır.
______________________Milli Kitabxana_______________________
Lüğət: Rövşən – Işıqlı; Üqba – O dünya; Dil – Ürək; Təvaf – Kəbənin başına dolanmaq