Möhtaci-vüsalın, gözəlim, söylə kim olmaz

Möhtaci-vüsalın, gözəlim, söylə kim olmaz? Müştaqi-camalın, gözəlim, söylə kim olmaz?

Divanə olub kuyinə kim gəlməyə bilməz? Aşüfteyi-xalın, gözəlim, söylə kim olmaz?

Ey şəm bu mən bağrı yanıq tək gecələrdə Giryani-xəyalın, gözəlim, söylə kim olmaz?

Çin əhli edir səcdə bütə, eyb deyildir, Heyrani-misalın, gözəlim, söylə kim olmaz?

Bax, gülşəni-hüsn içrə qədin tazə nəhaldır, Məftuni-nəhalın, gözəlim, söylə kim olmaz?

Rüxsarını xunabeyi-dildən eləyib al, Bəndi-rüxi-alın, gözəlim, söylə kim olmaz?

Tək bircə Füzulimi olan qəmzədeyi-eşq, Divaneyi-halın, gözəlim, söylə kim olmaz?