Mənim könlüm sənin eşqinlə aşinadır, bil
Mənim könlüm sənin eşqinlə aşinadır, bil! Ayırmaq dostu dostundan dözülməz bir cəfadır, bil!
Boyun tək fitnəkar bir sərv yoxdur hüsn bağında, Deyərsəm qəddinə hər fitnəyə bais, rəvadır, bil!
Fərağın cismim ilə qəlbimi odlara yandırdı, Nəsibi böylədir hər kəs ki, yarından cidadır, bil!
Sənindir can, həyatım, sevgilim, istəkli cananım, Sən olmasan bu can da başımızçün bir bəladır, bil!
Gözəllər eşqinin dərdinə düşdük, tapmadıq çarə, Bizə bu çarəsiz dərdi verən labüd xudadır, bil!
Şərabi-eşq ilə sərxoş olanlar gəlmədi huşə, Bu sirri kimsə bilməz, nəşəsi eşqin bəqadır, bil!
Cəfayə adət etmişsən, Füzuli, keçmə adətdən, Desəm gəl tərki-adət qıl, bu zülmi-narəvadır, bil!