Mən sana daim çü yarəm, sən mana əğyarsən

Mən sana daim çü yarəm, sən mana əğyarsən, Məndən özgə cümleyi-üşşaqə sən dildarsən.

Görəyim, Allah səni badi-fənadən saxlasun Kim, cəhan bağında sən bir sərvi-xoş rəftarsən.

Çünki ol mahin cəmalın istəməzdin görməgə, Hər gecə, çeşmim, nədən kövkəb kimi bidarsən?

Ey pəri, çünkim təbibi-dərdi-eşq olmuş ləbin, Bəs nədəndir sən həmişə gözləri bimarsən?

Bu Xətayi saçların çinində çin-çin bağludur, Olmanam çindən pərişan çün mana ğəmxarsən.