Məclis əhli çaxır içəndə dutar əldə əyağ
Məclis əhli çaxır içəndə dutar əldə əyağ, Sanasan bir şəm’dir kim, üstə yanır bir çırağ.
Gülşəni-məclisdə bir şux pəridir, dilrüba, Sanasan bir lalədir, bağrında anın dürlü dağ.
Dustkam olsun həmişə ol berəğmi-dustan, Oldu məclisdə müşərrəf busə səndən solu sağ.
Müşki-ənbər məcməridir, yoxsa cami-meydürür, Buyi-xubindən anın daim müəttərdir dimağ.
Mehr ilən yari ki, gəlmişdir zi gülşən yadigar, Bu Xətayi xəstədildir xaki-ol məhruyi-bağ.
Lüğət: Şux – gözəl; Dilrüba – gözəl, könülalan; Müəttər – ətirli; Dimağ – burun, beyin; Mehr – günəş