Lalə tək qəlbim mənim, ey nazənin, yüz parədir

Lalə tək qəlbim mənim, ey nazənin, yüz parədir, Dağlayan hər parəni ol atəşin rüxsarədir.

Qəlbi qan etdim ola sevdayi-bütlərdən xilas, Hər tərəfdən qəsd edən bu qəlbə bir xunxarədir.

Heç təbibə dərdi-sər lazım deyil dərman üçün Kim, mərizi-eşq üçün ölmək özü bir çarədir.

Qafil olsa, xoşdur ol laqeydliklə halimə, Məqsədim kami-dil ilə ruyinə nəzzarədir.

Eylə tünd etdi rəqibim yarımın xasiyyətin, Qəlbimi yandırmağa sanki bir atəşparədir.

Halımın heyranlığı mat eylədi ulduzları, Çün axan göz yaşlarım bir kövkəbi-səyyarədir.

Tək Füzuliyə deyil məskən səri-kuyin sənin, Orda mənzil eyləyər hər kimsə ki, avarədir.