Kuyi-yarə meyl edib, ey göz yaşım, axdınsa gər

Kuyi-yarə meyl edib, ey göz yaşım, axdınsa gər, Çatmadın hərgiz muradə, vermədin heç bir səmər.

Ey gözüm, çox meyl qıldın yar ruyin görməyə, Görmədin bir fayda qəmdən başqa, çəkdin dərdisər.

Ey könül, rüsvayi-eşq oldun, dedim: gəl eşqi at, Vermədin hərgiz qulaq, axır eşitdin tənələr.

Ceyranım, olmaz rəqiblər qəsdsiz mail sənə, Sən ki, ahusan, neçin peykandan etməzsən həzər?

Bilmirəm vəchi nədir kim, bunca dostluq riştəsin, Etinasızlıq qılıncıyla kəsib, vurdun zərər?

Ey gözəl, vardır mənim tək min bəlakeş aşiqin, Min şükür, aşiqlərindən tək mənə cövrün yetər.

Ey Füzuli, eşqdə sabitqədəmsən, heç zaman Dönmədin yoldan, səni bunca məlamət etdilər.