Könül ələmlərini mən verim xəbər, sən eşit
Könül ələmlərini mən verim xəbər, sən eşit! Xəbərsiz olma qəmimdən, bu pəndi məndən eşit!
Nə etibar rəqibə, ona qulaq asma, Sözü bu qəlbini eşqində zar edəndən eşit!
Onun dolaqlarının vəsfini soruş məndən, Könül, hekayəti-Şirini Kuhkəndən eşit!
Olarsa feyzi-Məsiha həvası başında, Həyatbəxş hədisi o güldəhəndən eşit!
Çəməndə gəl nəzər et, xaki-payin olmaq üçün Olan mübahisəni sünbülü səməndən eşit!
Bilirmisən sənin ol dərdinin bəhası nədir? Qulaq verib sinəmə, bəhsi-canla təndən eşit!
Füzuli dərdi-dilindən düzəltdi bir qissə, Bu köhnə qissəni, gəl tazə söyləyəndən eşit!