Könül bir yarı sevdi kim, pəridir
Könül bir yarı sevdi kim, pəridir, Cahan içrə gözəllər sərvəridir.
Boyi bağ içrə sərvi-nazə bənzər, Yanağı həmçü vərdi-əhməridir.
Yüzidir nisbəti-xurşidi-taban, Fələkdə məh aninçün Müştəridir.
Əgər xaqan, əgər fəğfur olursa, Eşigi itlərinin kəmtəridir.
Yüzi səhni-gülüstan içrə güldür, Saçının buyi müşkü ənbəridir.
Kim anın vəslinə bir dəm irişsə, Cəmii-mülki-aləmdən bəridir.
Saçının rəngidir çün leylətül-qədr, Cəmali nuri şəmsi-xavəridir.
Əzəldən ani sevdim canü dildən, Sağınmasun ki, eşqim sərsəridir.
Baxub heyran olur hüsninə aləm, Xətayi xəstənin ol dilbəridir.
Lüğət: Vərdi – əhmər – qırmızı gül; Əhmər – qırmızı; Xurşid – günəş; Taban – parlaq; Məh – ay; Kəmtər – lap az, azacıq, etibarsız; Səhn – səhnə, həyat, meydan; Leylətül – qədir – qədir gecəsi; Nuri – rəhman – ilahi nur; Şəmsi – xavəri – Şərq günəşi