Könlümün dərdinə dildar dəva etməyəcək
Könlümün dərdinə dildar dəva etməyəcək, Mənə bir mərhəmət ol mahliqa etməyəcək.
Məni gər salsa da ol qaşi kəmanım gözdən, Könlümün mülkünü biganə fəna etməyəcək.
Bütlərin mehrü vəfası o qədər azdır ki, Bir kəsə cümləsi toplansa vəfa etməyəcək.
Yaxamı etsə də sədparə sitəmlər, bu könül Eşqinin damənini, bil ki, rəha etməyəcək.
Gəl həlak etmə bizi, çün rəhi-eşqində sənin Biz edən işləri bir əhli-vəfa etməyəcək.
Baği-vəsl içrə, Füzuli, necə gül dərsin o kim, Səbr edib, canını amaci-bəla etməyəcək.