İstər ki, yardan bizi etsin cida fələk

İstər ki, yardan bizi etsin cida fələk, Düşmənliyin bizə yenə gördü rəva fələk.

Çərxin cəfavü cövrü yetər daima bizə, Bunlar nə işdir eyləyir ol bivəfa fələk?

Həsrət qoyur məni o gözəllər camalinə, Bu iş rəva deyil, niyə eylər xəta fələk?

Sandı bərabərim özünə bənzəmək üçün, Eylər həmişə qəddimi qəmdən düta fələk.

Qəddin gözəllərin belə naz ilə bəslədi, Qıldı bizi nişaneyi-tiri bəla fələk.

Məhbubumuz deyil ki, o biçarə aşiqi Bunca bəlalərə eləyir mübtəla fələk.

Məqsudumuz, Füzuli, vəfadır, nə faidə, Düz gəlməyir bizimlə, edir hey cəfa fələk.