İnlərəm, rəhm eləməz halıma yarım, nə edim

İnlərəm, rəhm eləməz halıma yarım, nə edim? Ona təsir eləməz naləvü zarım, nə edim?

Qəmlərim gizli deyil, söyləməsəm də səndən, Məndə yox söhbətinə tab, nigarım, nə edim?

Tənəsindən ürəyim təngə gəlib əğyarın, Bilməyir tənəsin əğyarın o yarım, nə edim?

Dərd əlindən gözüm ömrüm uzunu qan ağlar, Baxmayır göz yaşıma çeşmi-xumarım, nə edim?

Səbrdən başqa qəmi-eşqə əlacım yox ikən, Dili-şeyda tükədib səbrü qərarım, nə edim?

Vəsli-yar istəyən əğyar cəfasinə dözər, Bir tikənsiz gülə həsrətdi diyarım, nə edim?

Dərdimi yarə, Füzuli, nə qədər şərh qılım? Fikrimi anlamır ol laləüzarım, nə edim?