Hüsni-gülşən ol məhin bir cilveyi-ruyindədir
Hüsni-gülşən ol məhin bir cilveyi-ruyindədir, Vəsfi-gül, ovsafi-sünbül bir teli-muyindədir.
Arizi-gülnari tək ey əndəlibi-xoşnəva, Sevdiyin gül hansı bir bağın ləbi-cuyindədir.
Hayi-huyi-cənnətin vaiz inandırmaz məni, Varsa cənnət yarımın ol basəfa kuyindədir.
Bunca mehraba əyilmə zahida bica yerə. Səcdəyi-taət o mahın taği-əbruyindədir.
Qeylü qali masəva rüsvayi-əql etməz məni, Meyli-eşqim «Leysə illahu» süxənguyindədir.
«Kuyimə yol vermərəm əğyarı» söz vermiş idi, Bəs nədir ol şanə kim zülfi-səmənbuyindədir.
Aldı aramım nigar ol kəcnigahın, çarə qıl. Şahid istərsən əgər bax, gözlərim suyindədir.
Kipriyindən oxlanan zəxmi-dilə sordum əlac, Məlhəmi anın dedilər ləli dilcuyindədir.
Əl götür candan Şəfai doğru aşiqlər kimi, Doğru aşiqlər yeri məşuqələr kuyindədir.