Hicran günündə hali-dili-zar olar çətin

Hicran günündə hali-dili-zar olar çətin, Gər bilməsə bu halımı dildar olar çətin.

Asan olardı vəslinə çatmaq nigarımın, Görmək vüsali-yardə əğyar olar çətin.

Düşmənlər eyləyir bu qədər tənələr mənə, Dostlar gər olmaz isə mədədkar olar çətin.

Kəm iltifat olanda nigarım qəm artırar, Artdıqca dərdü qəm, onu izhar olar çətin.

Xaki-rəhindən olmasa yarın mədəd mənə, Təskini-əşki-dideyi-xunbar olar çətin.

Zahid çəkindirir bizi gül rəngli badədən, Bilməz yazıq ki, adəti-inkar olar çətin.

Köçmək zamanı çatdı, Füzuli, o kuydən Ayrılsa, bülbülə qəmi-gülzar olar çətin.