Hər əhli-hüsn kim, məni-bədbəxtə yar olur
Hər əhli-hüsn kim, məni-bədbəxtə yar olur, Bilməm nə rəmzdir ki, dönüb şivəkar olur.
Hər mahi-sim-saqə ki, mən müştəri olam, Səngi-məhəkdə qəlb çıxıb, kəm-əyar olur.
Yüz dəfə lütf ilə eləsə vədeyi-visal, Qismət mənə haman ələmi-intizar olur.
Bunca cəfaların görüb ol binəva könül, Ol bivəfayə, gör, genə ümmidvar olur.
Seyyid, təhəmmül et şəbi-hicranə, çəkmə ah, Bir gün olur ki, kamincə ruzigar olur.