Halım hər an sənin eşqində digərgun olmuş

Halım hər an sənin eşqində digərgun olmuş, Şərh edim halımı, bir gör necə məhzun olmuş.

Könlümün dərdi məni yaxdı, dilim söz deməmiş, Həddən artıq yanıram, atəşin əfzun olmuş.

Ahımın oxları deşdi fələyin sinəsini, Bax, o qandır ki, şəfəqlər belə gülgun olmuş.

Necə gül söyləyim ol şəkkərə bənzər ləbinə, O vərəqdə nə zaman bir belə məzmun olmuş.

Bircə an yoxdu könül ləlini xatırlamasın, O səbəbdəndi bu göz yaşları pürxun olmuş.

Nə qəm hicrində kəmalə yetə eşqim, ey yar, Leylinin gül üzünün aşiqi Məcnun olmuş.

Gözlərimdən kədəri çəkdi, Füzuli, yuxunu, Qan tökər didələrim, göz yaşı Ceyhun olmuş.