Hali-dilimni bəndədən ol yarə söyləniz
Hali-dilimni bəndədən ol yarə söyləniz, Hicr oxu bağrımı necə bir yarə, söyləniz.
Əhvalımı sorarsa mənim ol cəfalı yar, Zarü nəzarü xəstəvü avarə söyləniz.
Gülgün yanağların ğəmü cövrü cəfalari Qıldı həvalə bağrımı yüz xarə, söyləniz.
Çox möhnətü cəfasını çəkdim, vəfa xanı? Ğəm həddən ötdü dilbəri-ğəmxarə söyləniz.
Səhrayə saldı ahuyi-çeşmin Xətayini, Ol buyi-zülfi nafeyi-tatarə söyləniz.
Lüğət: Hicr – ayrılıq; Nəzar – dərdli, qəmli; Cövr – zülm; Xarə – çaxmaq daşı, bərk daş; Çeşmi – giryan – ağlar göz