Gözəlim, gözlədiyim can olacaqsan, bilirəm

Gözəlim, gözlədiyim can olacaqsan, bilirəm, Vasili-vəsləti-canan olacaqsan, bilirəm.

Qəm yemə, qəlbini şad eylə ki, şad günlər var, Bir gün azadəi-hicran olacaqsan, bilirəm.

Gəlmə əfğanə, nəva eyləmə bülbüllər tək, Açılıb gül kimi xəndan olacaqsan, bilirəm.

Talein parlayacaqdır günəşin nuru kimi, Feyzi-bəxşəndəi-dövran olacaqsan, bilirəm.

İki günlük bu faqarət gedəcək, qalmayacaq, Sahibi-neməti-əlvan olacaqsan, bilirəm.

Eşq səhrası yerimdir, demə sərgərdanəm, Sahibi-neməti-əlvan olacaqsan, bilirəm.

Dərsin ali dərəcə yoxdusa, qəm yoxdur ona, Dərk ilə həmdəmi-ürfan olacaqsan, bilirəm

Giləlik eyləmə iqbalıva, xoş vəqt çatıb, Bəxtəvər təxtinə soltan olacaqsan, bilirəm.

Qabilim, sən də Şəfai atavun tayı olub Bu xumar gözlərə heyran olacaqsan, bilirəm.