Göstərirsən üz ki, xurşidi-cahanara budur

Göstərirsən üz ki, xurşidi-cahanara budur, Aləmə sən od vurursan, rəsminiz guya budur.

Mən yolunda düşmüşəm, bir yol mənə baxmırsan heç, Ey ayüzlüm, etibarın aşiqə, aya, budur.

Qamətü rəftarın aldı canü dildən rahəti, Sərvlərdən də gözəl bir qaməti rəna budur.

Qamətü zülfün əlindən canü dil olmaz xilas, Canlara afət odur, dami-dili-şeyda budur.

Bircə gün olmaz ki, qətlim vədəsi gəlsin başa, Öldürən həsrət məni, ey yari-bipərva, budur.

Kaş məhşərdə gözəllər mən fəqiri göstərib, Söyləsinlər qorxa-qorxa aşiqi-rüsva budur.

Var başında eşq sevdası Füzuli xəstənin, Söyləməz amma onun dərdindəki məna budur.