Gizliyəm zəfdə mən, lütfdə yarın bədəni

Gizliyəm zəfdə mən, lütfdə yarın bədəni, Mən onu görməmişəm xeyli zamandır, o məni.

Çəkərəm nalələr hicrində, xoşa ol rində, Nə bədən qorxusu, nə canı üçün var məhəni.

Yanıram sinədə qəm, şəm mənim tək yanmaz, Canı yox, cismdə yanmaqdan edə vahiməni.

Sirri-eşqindir olan şəm dilində yalnız, Sönsə məclisdən atarlar, onun olmaz sevəni.

Bisütunda görünən əks o Şirinindir, Rəşki-ruyin buna məcbur eləyib Kuhkəni.

Qüvveyi-eşq kəmalında olan möcüzü gör, Dindirir ol daşürəkli büti-şirinsüxəni.

Tazə dağlarla Füzuli alışır şamü-səhər, Köhnə dağlarla görənlər tanımaz indi səni.