Eynullahəm, eynullahəm, eynullah

Eynullahəm, eynullahəm, eynullah, Gəl imdi həqqi gör, ey kuri-gümrah.

Mənəm ol faili-mütləq ki derlər, Mənim hökmümdədir xurşid ilə mah.

Vücudim beytül-Allahdır, yəqin bil, Sücudum sanadır şamü səhərgah.

Yəqin bil əhli-iqrarın yanında Yerü gög cümlə həqdir, olma gümrah.

Vilayət bağının bir meyvəsidir, Xaçan üzə ani hər dəsti-kutah?

Dilərsən həqqi həqqə vasil etmək, İrişdi fi məqami li məallah.

Üluqi pak üzə seyran edər ki, Xətayi uğradı bir gəncə nagah.