Ey pəri, bir ömrdür ol gülüzarı görmədik

Ey pəri, bir ömrdür ol gülüzarı görmədik, Sən bizi gördün, biz ol bietibarı görmədik.

Mərhəmətsiz çox gözəllər görmüşük aləmdə biz, Sən kimi bir mərhəmətsiz zülmkarı görmədik.

Çox cəfa görsək də yardan, kuyini tərk etmədik, Dəhrdə bir başqa əmniyyət diyarı görmədik.

Bir axar su tək dolaşıq bağların ətrafını, Qamətin tək bir gözəl sərvi, çinarı görmədik.

Hər yerə getdik, bizi öldürməyə lazım olan Dərdü möhnətdən o yerlər olsun ari, görmədik.

Həmdəm olduq hər kəsə, bir dəm dili-şeydamıza, Vurmasın yüz min yara birəhm yarı, görmədik.

Həddini aşmış Füzuli, səndəki divanəlik, Sən tək olsun bir nəfər eşqin düçarı, görmədik.