Ey gözəl, getmə, mənim qəlbimi sən qan eləmə
Ey gözəl, getmə, mənim qəlbimi sən qan eləmə! Eşqimin dağını gəl hicr ilə suzan eləmə!
Geymə, ey sərv, səfər paltarı, qəm barı ilə Əymə bu qəddimi, gəl xak ilə yeksan eləmə!
Ol günəş ruyinin hicranı ilə surətimi Öz ciyər qanım ilə lalə tək əlvan eləmə!
Göz yaşım, sel kimi ax, kəs yolunu dilbərimin, Getsə, düş ardına sən, tərkini bir an eləmə!
Ey Füzuli, yaşamaq istərisən canansız, Fikrini atma barı, qəlbi pərişan eləmə!