Eşqdə məzmun olub xətti-rüxi-canan mənə
Eşqdə məzmun olub xətti-rüxi-canan mənə, Böylə yazmış taleyimdə saneyi-dövran mənə.
Kuyinin torpağın öpmək gündə yüz yol, sevgilim, Şahlığından yaxşıdır dünyalərin hər an mənə.
Kuyini tərk etmərəm ölsəm də, məhv olsam da gər, Gülşəni-kuyin olub çün rovzeyi-rizvan mənə.
Vəslinə yetmək ümidilə yəqin olmuş bu kim, Ölməyim eylər müqərrər möhnəti-hicran mənə.
Can bu ümmid ilə verrəm kim, uzaqlaşsın məgər Möhnəti-hicrin ki, vermiş dərdi-bipayan mənə.
Qəlb dağından, Füzuli, olmuşam sultani-eşq Kim, cünun mülkün edib ol tabei-fərman mənə.