Əgərçi rəhm eləməzsən bu hali-naşadə

Əgərçi rəhm eləməzsən bu hali-naşadə, Yenə ümid edirəm mən sənə bu dünyadə.

Məni yolunda rəqib öldürəndə zülm ilə, Neçin də lütf edərək gəlmədin sən imdadə?

Yolunda torpağa döndümsə, salmadı bir kəs O xaki-payin önündə bu halımı yadə.

Səni mən axtarıram, bircə an qərarım yox, Bir an qərar tuta bilməz könül bu sevdadə.

Nə qorxu var mənə məhşər günü cəhənnəmdən, Xilas edər məni eşqin o dari-üqbadə.

Yolunda düşdüm ayaqdan, bu halə bir nəzər et, Rəva deyil ki, olum xar bu təmənnadə.

Gətirdi canə Füzulini möhnəti-hicran, Əcəl hanı ki, yetişsin bu dəmdə imdadə.