Əgər murad isə vermək səfayi-cövhəri-ruh
Əgər murad isə vermək səfayi-cövhəri-ruh, Fələk misal yürüt sağəri-şərabi-səbuh.
Buyurma tövbə mənə ol şərabdan naseh Ki, görsə onu tutar cəzm tərki-tövbə Nəsuh.
Hücumi-qəmdə mənə onu etdi zövrəqi-mey Kim, etmədi onu tufan olanda kəştiyi-Nuh.
Müdam çeşmimə qan doldurur xədəngi-qəmin, Yuva başımda tutan quşları edib məcruh.
Dil oldu daği-fəraqinlə şərhə-şərhə, vəli Nə sud, çün sənə olmadı hali-dil məşruh.
Tənimdə sancılı navəklərinlə şadəm kim, Dəri-bəla bu kilid ilədir mənə məftuh.
Füzuli oldu belin fikri ilə muy misal, Hənuz bulmadı ol sirrə ehtimali-vüzuh.
Lüğət: Sağər – qədəh, piyalə; Cəzm – kəsmək, qətiyyət; Zövrəq – qayıq; Xədəng – ox; Şərhə – şərhə – para-para, dilim-dilim; Sud – fayda, qazanc; Məşruh – şərh, bəyan olunmuş; Məftuh – açılmış