Dil sana heyran olubdur, ta cəmalın görmüşəm
Dil sana heyran olubdur, ta cəmalın görmüşəm, Ta göz açıb ol rüxi-fərxəndə falın görmüşəm.
Ruzü şəb dünya içində məstü heyranəm müdam, Gecələr uyxu içində ta xəyalın görmüşəm.
Dünyəvü üqbadə mən övsafi-hüsnin söylərəm, Bağçada andan bərü qəddi-şümalın görmüşəm.
Bir pərinin yüzünə heyranü zarəm can ilə, Şol ləbü zülfü rüxü həm xəttü xalın görmüşəm.
Bu Xətayinin gözü səyyarə tək bixabdir, Gül yüzün üstündə ta qaşi-hilalın görmüşəm.
Lüğət: Dil – ürək; Fərxəndə – uğurlu; Şəb – gecə; Müdam – davamlı, həmişə; Uyxu – yuxu; Üqba – axirət, o biri dünya; Hüsn – gözəllik; Şol – o; Xətt – yanaq, yazı; Hilal – aypara